Япониялик 27 ёшли ярим ҳимоячи Рицу Доан Германия Бундеслигаси доирасида клубини ўзгартирди. "Айнтрахт" футболчини "Фрайбург"дан сотиб олди. Бу ҳақда Франкфурт клуби матбуот хизмати хабар берди.
Доан янги жамоа билан 2030 йилнинг ўрталарига қадар мўлжалланган узоқ муддатли меҳнат шартномасини тузди. Манбага кўра, келишув суммаси 21 миллион еврони ташкил этган. "Фрайбург" яна бир миллионни бонус тўловлари сифатида қўлга киритиши мумкин.
Германия чемпионатининг 2024/2025 йилги мавсумида япониялик футболчи 34 та ўйин ўтказиб, 10 та гол урган ва 7 та голли узатмани амалга оширган.
