"Ливерпуль" ўз ҳужумчиси Дарвин Нуньесга Германияга бориши учун "яшил чироқ" ёқди, у ерда футболчи Саудия Арабистонининг "Ал-Ҳилол" клубига ўтишидан олдин тиббий кўрикдан ўтади. Таниқли журналист Бен Жейкобс шундай маълумот билан бўлишди.
Манбага кўра, бугун Нуньес жамоадошлари билан хайрлашади.
Ҳужумчи 2024/25 йилги мавсумда барча мусобақаларни ҳисобга олган ҳолда 47 та ўйинда майдонга тушиб, 7 марта рақиблар дарвозасини ишғол қилди ва 7 та голли узатмани амалга оширди.
Аввалроқ, 26 ёшли уругвайлик футболчининг хариди "Ал-Ҳилол"га бонуслар билан бирга 65 миллион еврога тушиши хабар қилинганди.
