Йилнинг энг яхши ёш ўйинчиси совринига даъвогарлар аниқланди.
France Football нашри "Copa Trophy"га номзодлар рўйхатини эълон қилди. Мукофот 21 ёшга тўлмаган энг яхши ёш футболчига топширилади.
Соврин учун Пау Кубарси ("Барселона"), Айюб Буадди ("Лилль"), Дезире Дуэ ("ПСЖ"), Эстевао ("Челси" / "Палмейрас"), Дин Хёйсен ("Реал" / "Борнмут"), Майлз Льюис-Скелли ("Арсенал"), Родриго Мора ("Порту"), Жоау Невеш ("ПСЖ"), Ламин Ямал ("Барселона") ва Кенан Йилдиз ("Ювентус") даъвогарлик қилмоқда.
Ғолиб номи 22 сентябрь куни "Олтин тўп"ни топшириш маросимида эълон қилинади.
Мукофотнинг амалдаги эгаси Ламин Ямал ҳисобланади.
