"Манчестер Сити" бош мураббийи Хосеп Гвардиола ўртоқлик ўйинларини ўтказишдан бош тортгани ҳақида гапирди.
Шанба куни "шаҳарликлар" Италиянинг "Палермо" клубига қарши ўйнайди - бу жамоанинг жорий мавсумдаги ягона назорат ўйини бўлади. Орадан бир ҳафта ўтиб, 16 август куни "Сити" Премьер-лигани "Вулверхэмптон"га қарши ўйин билан бошлайди.
"Жамоада клублар ўртасидаги жаҳон чемпионатидаги каби кайфият яхши. "Вулверхэмптон", "Тоттенхэм" ва "Брайтон" билан дастлабки учта расмий учрашувга яхшироқ тайёргарлик кўриш учун ўртоқлик ўйинларидан воз кечдик. Футболчилар дам олиши керак эди ва биз ўйинларни ўтказишдан кўра машғулотларга эътибор қаратишни афзал кўрдик," - дея Гвардиоланинг сўзларини келтиради City Xtra.
