Лондоннинг "Арсенал" клуби ёш ҳужумчиси Итан Нванери "канонирлар" билан янги шартнома имзолаганидан сўнг ўз фикрлари билан ўртоқлашди.
"Бу мен учун жуда катта аҳамиятга эга, ҳаммаси амалга ошганидан жуда хурсандман. Бу ерда ўзимни уйдагидек ҳис қиламан ва ўз салоҳиятимни юзага чиқара оламан. Мен тайёрман," - дея футболчининг сўзларини келтиради "Арсенал" матбуот хизмати.
Эслатиб ўтамиз, Нванери ўтган мавсумда "Арсенал"нинг асосий таркибига кира бошлаган эди. Жума куни "канонирлар" ёш футболчи ва клуб академияси тарбияланувчиси билан янги узоқ муддатли шартнома имзолаганини эълон қилганди.
"Мен жуда универсал футболчиман, шунинг учун ҳужумдаги исталган позициясида ўйнайман деб ўйлайман ва мураббийга керак бўлган ишни қилишга тайёрман," - дея қўшимча қилди Нванери.
