"Ливерпуль" бош мураббийи Арне Слот автоҳалокатда вафот этган қанот ҳужумчиси Диогу Жота ҳақида фикр билдирди. Футболчи ва унинг укаси Испанияда юз берган автоҳалокатда ҳалок бўлишган. Жота 28 ёшда эди.
"Аввало, бу фожиа, шубҳасиз, бизни қаттиқ ларзага солди. Бироқ, унинг рафиқаси, фарзандлари ва ота-онасига бу янада кучлироқ таъсир кўрсатди. Аммо бизга ҳам таъсири катта бўлди, бу аниқ. Қаерда бўлмайлик, бизга ҳурмат кўрсатишди ва бу жуда таъсирли ҳамда ҳиссиётларга бой эди," - дея Слотнинг сўзларини келтиради "Ливерпуль"нинг расмий сайти.
"Қизиллар" таркибида португалиялик футболчи Англия чемпиони унвонини қўлга киритди, шунингдек, мамлакат кубоги ва Англия лига кубогини ҳам забт этди.
