"Милан" марказий ҳимоячиси Малик Тиав "Ньюкасл"га ўтишга яқин турибди.
Инсайдер Николо Скиранинг таъкидлашича, 24 ёшли немис "ҳаккалар" билан шахсий меҳнат шартномаси шартларини 2030 йилгача келишиб олган. Манбага кўра, Тиав инглиз клубига ўтган тақдирда унинг маоши бир мавсум учун тўрт миллион еврони ташкил қилади. Айни дамда "Ньюкасл" "Милан" билан музокараларни давом эттирмоқда.
2024/25 йилги мавсумда Тиав барча мусобақаларни ҳисобга олган ҳолда 31 та ўйинда қатнашиб, битта гол урди ва битта самарали узатма муаллифига айланди.
Миш-мишларга ишонадиган бўлсак, Тиавнинг трансфери бўйича "Ньюкасл"нинг сўнгги таклифи 30 миллион еврони ташкил қилган.













