"Ан-Наср" Кингсли Коман учун тахминан 30 миллион евро тўлашга тайёр.
Саудия Арабистони клуби "Бавария" билан вингернинг эҳтимолий трансфери бўйича музокаралар олиб бормоқда.
Қайд этилишича, "Ан-Наср" Мюнхен клубига тахминан 30 миллион евролик таклиф билан чиқмоқчи.
Аввалроқ, франциялик футболчига йилига 20-25 миллион евро маошли шартнома таклиф қилингани ҳақида хабарлар тарқалган эди.
Кингсли Коман ўтган мавсумда Бундеслиганинг 28 ўйинида 5 гол ва 4 голли узатмага муаллифлик қилган.













