Швециялик ҳужумчи Виктор Дьёкереш Лондоннинг "Арсенал" клуби сафидаги илк голини урди.
Лондонликлар Бильбаонинг "Атлетик" клуби билан ўртоқлик учрашуви ўтказди. Учрашувнинг 34-дақиқасида Дьёкереш ҳисобни очди.
Орадан икки дақиқа ўтиб Букайо Сака "канонирлар"нинг устунлигини оширди. Ўйиндаги учинчи голни Кай Хаверц киритди.
Эслатиб ўтамиз, Дьёкереш "Арсенал"га Лиссабоннинг "Спортинг" клубидан 65,8 млн евро эвазига ўтган эди. 27 ёшли швецияликнинг Лондон клуби билан шартномаси 2030 йилнинг 30 июнига қадар мўлжалланган.













