"Тоттенхэм" ҳужумчиси Матис Тель жамоа бош мураббийи Томас Франк ҳақидаги саволга жавоб берди.
«Шпорлар» 20 ёшли футболчини июль ойида «Бавария»дан сотиб олган, трансфер қиймати 35 миллион еврони ташкил қилганди.
Ўтган мавсумнинг иккинчи ярмида франциялик футболчи Лондон клубида ижара асосида ўйнади. "Томас Франк билан ишлаш жуда ёқимли - у ғайратли, ижобий муҳит олиб келади, бу ҳам майдонда, ҳам кийим алмаштириш хонасида яққол кўринади. Мураббийимиз билан ишлаганимдан жуда хурсандман", - дея Телнинг сўзларини келтиради клуб матбуот хизмати.
