“Кристал Пэлас” дарвозабони Дин Хендерсон “Ливерпул”га қарши Англия суперкубоги баҳсидан сўнг ўз фикрлари билан ўртоқлашди.

“Сўз билан таърифлаш қийин бўлган ҳис-туйғуларни бошдан кечиряпман. Мураббий иккинчи бўлимда бизда ижобий лаҳзалар бўлишини айтди. “Кристал Пэлас” бу ўйинда ғалабага ҳақли эди.

Пенальтилар сериясига тайёргарлик ишлари ажойиб бўлди. Менга ёрдам берган ва қўллаб-қувватлаган барчадан миннатдорман.

“Ливерпул”ни мағлуб этиш – шунчаки ақлбовар қилмайдиган нарса. Улар ўйинга фаворит сифатида киришди. Чунки рақиб жамоада жуда яхши ўйинчилар бор. Биз уч ой ичида иккита совринни қўлга киритдик. Бу эса клуб тарихидаги муҳим лаҳзадир”, - дея Хендерсоннинг сўзларидан келтиради BBC.