"Ан-Наср" "Бавария" вингери Кингсли Команнинг трансферини амалга оширишга уринишда давом этмоқда.
Мюнхенликлар Саудия клубининг 22 млн евролик дастлабки таклифини рад этди, аммо музокаралар шу билан якунланмади. Bayern & Germany’нинг Саудия Арабистонидаги манбаларига таяниб хабар беришича, "Ан-Наср" бонусларни ҳисобга олмаганда 25 млн еврогача ўз таклифини оширди. "Бавария" ҳозирча жавоб бермади.
Миш-мишларга кўра, Кингсли Команнинг ўзи аллақачон Ар-Риёд клуби билан шартнома борасида келишиб олган. 29 ёшли французнинг ҳисобида ўтган мавсумда Венсан Компани жамоаси сафида барча мусобақаларда 45 та ўйинда 9 та гол ва 6 та ассист бор.
