Криштиану Роналду ўйинлардан сўнг (айниқса, муваффақиятли ўйинлар) мунтазам равишда ижтимоий тармоқларда постлар жойлаб туради.
Якшанба куни форвард "Алмерия"га қарши ўйинда дубл қайд этди.
Шунга қарамай, Роналду ўз саҳифаларида сукут сақлади. 2:3 ҳисобидаги мағлубият туфайли Криштианунинг кайфияти яхши эмасдир балки.
Ўртоқлик ўйинларида одатда натижа биринчи ўринда турмайди, аммо Роналду ҳаммамизга маълумки, ҳар доим ва ҳамма жойда максималист.
Айтиш керакки, ўтган мавсумда Роналду "Ан-Наср"нинг мағлубиятларидан кейин кўпинча пост ёзмасди. Лекин истиснолар бор эди.
