Инсайдер Фабрицио Романо "ПСЖ"нинг "Челси" ярим ҳимоячиси Энцо Фернандесга қизиқиш билдираётгани ҳақидаги хабарларга изоҳ берди.
Куни кеча Париж гранди 24 ёшли аргентиналик футболчининг трансфери учун 150 млн евро сарфлашга тайёрлиги ҳақида хабарлар тарқалди. Романонинг DAZN билан суҳбатда таъкидлашича, бу миш-мишлар ҳақиқатдан йироқ - Фернандеснинг "ПСЖ"га ўтиш эҳтимоли нолга тенг. Энцо бор эътиборини "Челси" лойиҳасига қаратган, у клубда бахтли ва кетмоқчи эмас.
Transfermarkt портали мутахассислари хавбекнинг нархини 75 млн еврога баҳоламоқда. Жаҳон чемпионининг "кўклар" билан амалдаги меҳнат шартномаси 2032 йилнинг ёзига қадар мўлжалланган.
