Миланнинг "Интер" ва "Фиорентина" клублари собиқ дарвозабони Себастьян Фрей "ПСЖ"нинг УЕФА Суперкубоги учун қайдномасидан Жанлуижи Доннарумманинг четлатилиши билан боғлиқ вазиятга изоҳ берди.
Собиқ дарвозабоннинг сўзларига кўра, бу хабар уни том маънода ҳайратда қолдирган ва у италияликни қўллаб-қувватлашга қарор қилган.
"Мен Жижи билан суҳбатлашдим ва у анча хотиржам экан, лекин мен ҳайратдаман, чунки уни Чемпионлар Лигасида қатнашиш учун сотиб олишган. Жижи дунёдаги энг яхши дарвозабон. Шунинг учун вазият жуда ғалати - нима учун ундан шубҳаланишяпти?" - дея Фрейнинг сўзларини келтиради FC Inter 1908.
Аввалроқ Доннарумма ўзи ҳам клуб қароридан ҳафсаласи пир бўлгани ва энди клубни тарк этишга қатъий қарор қилганини айтганди.
