"РБ Лейпциг" Туркиянинг "Гёзтепе" клуби ҳужумчиси Ромулони ўз сафига қўшиб олишга яқин турибди.
Ўтган ҳафтада немис клуби "Манчестер Юнайтед"га Беньямин Шешкони сотди - битим қиймати бонуслар билан бирга 85 млн еврога баҳоланмоқда. Transfer News Live нашрининг GazeteFutbol’га таяниб хабар беришича, "қизил буқалар" янги форвард билан шартнома имзолаш арафасида турибди: қимматбаҳо словениялик футболчининг ўрнини тахминан 20 млн еврога тушадиган Ромуло эгаллайди. "Гёзтепе" бразилиялик футболчи бўйича таклифни қабул қилиб бўлган.
Ромуло ўтган мавсумда турк жамоаси сафида 33 та ўйинда 17 та гол ва 10 та голли узатмани ўз ҳисобига ёздириб қўйди.
