Санкт-Петербургнинг "Зенит" клуби ярим ҳимоячиси Густаво Мантуан Россия Премьер-лигасини Туркия чемпионатига алмаштириши мумкин. Бу ҳақда Dogukan журналистлари хабар бермоқда.
Манбага кўра, 22 ёшли футболчига Истанбулнинг "Бешиктош" клуби қизиқиш билдирмоқда. Бразилиялик футболчининг трансфер нархи 3,5 миллион еврога баҳоланмоқда. Густавонинг Россия топ-клуби билан шартномаси 2027 йил ўрталарига қадар мўлжалланган.
Россия Премьер-лигасининг жорий мавсумида Мантуан тўртта учрашув ўтказди. Мамлакат чемпионатининг тўрт туридан сўнг "кўк-оқлар" турнир жадвалида саккизинчи ўринни эгаллаб турибди.
