Лондоннинг "Арсенал" клуби вингери Леандро Троссард "Галатасарой"ни жиддий қизиқтириб қўйди.
Бельгиялик футболчининг келажаги ноаниқлигича қолмоқда - унинг "канонирлар" билан амалдаги шартномаси келаси ёзда ўз ниҳоясига етади. Transfer News Live нашри журналист Невзат Диндарга таяниб хабар беришича, 30 ёшли футболчи ҳужум чизиғини кучайтиришни режалаштираётган "Галатасарой" шорт-листида етакчилик қилмоқда.
Ўтган ойда Леандро Троссарга Туркиянинг бошқа бир клуби - "Фенербахче" қизиқиш билдираётганди. Шунингдек, "Наполи", "Аталанта" ва Дортмунднинг "Боруссия" клублари ҳам даъвогарлар қаторида тилга олинди. Transfermarkt талқинига кўра, футболчининг нархи 22 млн еврога тенг.
