Ҳужумчи Альваро Мората "Галатасарой"ни тарк этди, унинг ижара шартномаси муддатидан олдин бекор қилинди. Энди 32 ёшли форварднинг “Милан”дан “Комо”га ўтишдан бошқа чораси қолмади. "Галатасарой"ни тарк этгач, Мората баёнот берди.
"Ҳурматли "Галатасарой" мухлислари, сизларга меҳрингиз, илиқ муносабатингиз ва қўллаб-қувватлаганингиз учун чин дилдан миннатдорчилик билдирмоқчиман. Сизлар мени биринчи кунданоқ қабул қилдингизлар, сизнинг қўллаб-қувватлашингиз фаолиятимдаги энг ажойибларидан бири бўлди. Афсуски, клуб ҳақида бу гапни айта олмайман. Баъзида берилган сўз ва фундаментал қадриятларга ҳурмат сақланмаган пайтлар бўлди.
Мен учун ҳаётда ва ишда ҳар бир инсоннинг ҳуқуқларини ҳурмат қилиш каби бузилмайдиган тамойиллар мавжуд. Йўқотишларни тан олмаслик ва қопламаслик, менимча, номақбулдир ва адолат, профессионаллик каби қадриятларга зиддир", деб ёзди Мората.
