"Пари Сен-Жермен" бош мураббийи Луис Энрике "Олтин тўп" ҳақида гапирди.
Соврин учун курашда фаворит сифатида парижликлар вингери Усмон Дембеле кўрилмоқда. Шу билан бирга, ўнг қанот ҳимоячиси Ашраф Ҳакимийнинг фикрича, соврин унга насиб этиши керак.
Энрике журналистларнинг саволига жавоб берар экан, француз ёки марокашликдан бирини алоҳида таъкидлаб ўтмади.
"Футбол - жамоавий спорт тури. Мухлисларимиз жамоа сифатида совринлар ютишимизни кутишмоқда, бу эса ўз-ўзидан индивидуал совринларга олиб келади. Бизнинг мақсадимиз - жамоавий равишда кучли эканлигимизни кўрсатиш. Ўтган мавсумда айнан шундай қилдик. Шахсий ютуқлар биз учун устувор эмас," - деди испаниялик бош мураббий "Тоттенхэм"га қарши Европа Суперкубоги ўйини олдидан ўтказилган матбуот анжуманида.
"Олтин тўп" топшириш маросими 22 сентябрь куни бўлиб ўтади.
