"Вулверхэмптон" ҳужумчиси Фабиу Силва Дортмунднинг "Боруссия" клубига ўтиши даргумон.
Немис клуби португалиялик футболчи билан келишиб олганди, бу ҳақда бир ҳафта олдин хабар берилган эди. Журналист Руди Галеттининг сўзларига кўра, трансфер шартларини келишиб бўлмаган: "бўрилар" нархни оширган, шундан сўнг "асаларилар" музокараларни тўхтатишга қарор қилган. "Вулверхэмптон" раҳбарияти талабни пасайтирган тақдирдагина муҳокамалар қайта бошланиши мумкин. Вазиятни бошқа клублар кузатиб бормоқда.
Фабиу Силванинг Transfermarkt порталидаги тахминий нархи - 20 млн евро. Ўтган мавсумда 23 ёшли футболчи Испаниянинг "Лас-Пальмас" клубида ижарада ўйнаб, Ла Лигада 24 ўйинда ўнта гол ва учта голли узатмани амалга оширди.
