"Бавария" ўз таркибини кучайтириш учун трансфер бозорида ишларни давом эттирмоқда. Нуфузли инсайдер Фабрицио Романо ижтимоий тармоқларда хабар беришича, мюнхенлик гранднинг асосий нишонларидан бири "Челси" ҳужумчиси Кристофер Нкунку ҳисобланади.
"Бавария"дагилар Нкункунинг бир неча позицияда ўйнай олиш қобилиятини ҳисобга олиб, уни идеал номзод деб билишмоқда. Бироқ, битимнинг тақдири молиявий жиҳатга боғлиқ.
Кристофер Нкунку Лондонда икки мавсум ўтказди. Шу вақт мобайнида футболчи 62 та ўйинда иштирок этиб, 18 та гол урди ва 5 та голли узатма берди.
