"Бавария" афсонаси Томас Мюллер яқинда МЛСнинг "Ванкувер Вайткапс" клубига ўтди.
"Шальке" ва "Майнц" клубларининг собиқ раҳбари, канадаликлар спорт директори бўлган Аксель Шустер Мюллерни ўз клубига ўтишга қандай кўндирганини айтиб берди.
"Менда маълум бир устунлик бор эди, чунки мен Томасни лигамиздаги бошқа спорт директорларидан кўра яхшироқ биламан. Энг муҳими, кўп йиллар давомида мен унинг барча интервьюларини ўқиш ва тинглаш имкониятига эга бўлдим, бу менга уни нима қизиқтириши ва у учун ҳақиқатан ҳам нима муҳимлиги ҳақида тушунча берди. Ўйлайманки, биз уни спортга ишонтирдик. Ҳозирда чемпионлик учун курашаётган жамоамиз бор, биз жуда интилувчанмиз",- деди Шустер.
Эслатиб ўтамиз, Мюллер жорий йил охиригача, бироқ 2026 йилгача узайтириш имконияти билан шартнома имзолаган.
