"ПСЖ"нинг италиялик дарвозабони Жанлуиджи Доннарумманинг "Манчестер Сити"га ўтган тақдирда қанча маош олиши маълум бўлди.
La Stampa нашрига маълум бўлишича, 26 ёшли Доннарумма Англияда йилига 12 миллион евро ва турли бонуслар олади. Манбага кўра, дарвозабонни сотиб олиш "Манчестер Сити"га тахминан 35 миллион еврога тушиши мумкин.
Доннарумма 2021 йилдан бери "ПСЖ" шарафини ҳимоя қилмоқда. Аммо дарвозабоннинг яқин мавсумда жамоада қолмаслиги аллақачон маълум.
Бу вақт ичида дарвозабон француз гранди либосида 161 та ўйин ўтказиб, 56 марта ўз дарвозасини дахлсиз сақлаб қолган.
