Лондон "Арсенал"ининг чап қанот ҳимоячиси Александр Зинченкога Европанинг учта клубидан таклиф тушган. Шу сабабли клуб уни сотиш масаласини кўриб чиқмоқда ва 28 ёшли украиналик футболчи муҳим қарор қабул қилиши керак бўлмоқда.
Манбаларга кўра, Зинченкога учта клуб жиддий қизиқиш билдирган: "Порту", "Бетис" ва Туркиянинг "Фенербаҳче" клуби. Қулай трансфер таклифи ва шартноманинг молиявий шартлари ҳал қилувчи аҳамиятга эга бўлади.
Александр Зинченко ўтган мавсумда "Арсенал" сафида барча мусобақаларда 23 та ўйинда иштирок этиб, 1 та гол урган ва 1 та гол узатма берган. Унинг "тўпчилар" билан амалдаги шартномаси 2026 йилнинг июнь ойи охирида якунланади.
