Роберт Левандовски Ламин Ямал ва Франко Мастантуонони таққослашдан бош тортди.
"Реал" мавсум оралиғида "Ривер Плейт"дан 18 ёшли аргентиналик футболчини 63 миллион еврога сотиб олди.
"Футболчиларни, айниқса ёш пайтида, таққослаш тўғри эмас. Албатта, "Реал"га Ламинга ўхшаган ўйинчини топиш учун босим ўтказишмоқда. Менимча, бу имконсиз. Яхшиси, ўз йўлидан борган маъқул.
Аммо уни топиб бўлмайди, чунки бундай ўйинчилар ҳар бир шаҳарда, ҳар йили туғилавермайди. Бу 10 йилда бир марта содир бўлади.
Илгари ҳам шундай бўлган, Криштиану Роналду ва Лионель Месси - улар мутлақо бошқа-бошқа футболчилар эди.
Кейинги Месси ёки кейинги Криштиану Роналдуни топа олмайсиз, чунки улар бетакрор", - деди "Барселона" ҳужумчиси Роберт Левандовски.
