"Ливерпуль" Энтони Семеньо воқеасидан кейин ирқчиликка қарши чиқди.
"Борнмут" яримҳимоячиси АПЛ 1-туридан ўрин олган "Ливерпул"га (2:4) қарши ўйинда ирқчилик руҳидаги ҳақоратларга учради.
Кейинчалик маълум бўлишича, ногиронлар аравачасидаги фанат Семеньони ирқчилик асосида ҳақорат қилган. "Ливерпул"нинг 47 ёшли мухлиси танаффус вақтида "Энфилд" стадионидан олиб чиқилди. Полиция тергов олиб бормоқда.
"Биз ирқчилик ва камситишнинг барча кўринишларини қоралаймиз. Уларга жамиятда ҳам, футболда ҳам ўрин йўқ.
Клуб бошқа изоҳ бера олмайди, чунки тахмин қилинаётган ҳодиса полиция томонидан олиб борилаётган тергов мавзуси бўлиб, биз уни тўлиқ қўллаб-қувватлаймиз", - дейилади мерсисайдликлар баёнотида.
