Ўзбекистон Суперлигасининг 19-туридан ўрин олган “Навбаҳор” – “Нефтчи” (0:1) учрашувидан кейинги матбуот анжуманининг иккинчи қисмида фарғоналиклар бош мураббийи Виталий Левченко қатнашиб, жсурналистларнинг саволларига жавоб берди.
- Дастлаб ўйин ҳақида фикрларингиз билан ўртоқлашсангиз?
- Бугун ҳақиқий футболга мос муҳит бўлди. Стадионга жуда кўп мухлислар ташриф буюришди. “Навбаҳор”га қарши қийин баҳсни ўтказдик. Ғалаба қозонишимиз осон бўлмади. Ушбу ютуқ билан жамоамиздаги барчани табриклайман. Ишлашда давом этамиз, чемпионат ҳали тугагани йўқ.
- Нима деб ўйласиз, легионерлар ўзларини яхши ҳис қилишяптими?
- Биз шундай йўл тутяпмизки, жамоада ҳеч кимни ажратаётганимиз йўқ. Шунингдек, легионерлар ҳам бу ерда ўзларини эркин ҳис қилишлари учун ёрдам беряпмиз. Жамоада рақобат бор ва бу жуда яхши. Ким кучли бўлса, ўша ўйнаяпти.
- “Нефтчи” жорий мавсумда чемпионлик учун курашадими?
- Биз майдонга чиқиб, ўз ўйинимизни кўрсатамиз ҳамда ҳар бир рақиб билан кураш олиб борамиз. Шунчаки футбол ўйнамаймиз. Лекин чемпион бўлишимизни вақт кўрсатади.
- Бугунги мухлислик даражасини 10 баллик тизимда қандай баҳолаган бўлардингиз?
- Бемалол айтишим мумкин, водийнинг ҳар учала клуби – “Андижон”, “Навбаҳор” ва “Нефтчи”да мухлислик даражаси жуда юқори. Энг кўп мухлислар ҳам, энг зўр мухлислар ҳам шу ерда. Водийда ажойиб ишқибозлар бор, бунга қойил қолиш керак.
