Англия Премьер-лигасидаги янги мавсумни "Манчестер Сити" ажойиб тарзда бошлади - Хосеп Гвардиола жамоаси "Вулверхэмптон"ни 4:0 ҳисобида мағлуб этди. Ушбу ўйинда клуб учун нидерландиялик ярим ҳимоячи Тиджани Рейндерс дебют қилди, у ўзини ажойиб тарзда кўрсатди - гол урди ва голли узатма берди.
Маълум бўлишича, Рейндерс клуб тарихида бундай муваффақиятли дебют қилган иккинчи футболчи бўлди. Биринчиси 2011 йилда аргентиналик Серхио Агуэро эди.
Англия чемпионатининг 2-турида "Манчестер Сити" 23 август, шанба куни "Тоттенхэм"га қарши баҳс олиб боради.
