"Ювентус" бош мураббийи Игор Тудор Душан Влахович билан боғлиқ вазият ҳақида гапирди.
Туринликлар 25 ёшли сербиялик футболчи билан келаси йили эркин агент сифатида кетмаслиги учун жорий трансферлар даврида хайрлашмоқчи. Потенциал харидорларнинг ҳеч бири ҳозирча ҳужумчи ва "кекса синьора"нинг талабларини қондира олмади.
"Влаховичнинг келажаги? Трансфер масалаларини муҳокама қилишни ёқтирмайман, аммо Душан ҳамон "Ювентус"га тегишли. Менга унинг ўйини ёқди," - деди Тудор "Аталанта" билан ўртоқлик учрашувидан кейин берган интервьюсида.
"Бьянконерилар" бергамоликларни 2:1 ҳисобида мағлуб этган бўлса, Душан Влаҳович ўз ҳисобига гол ёздириб қўйди.
