Бироз аввал Туркияда ўтаётган ёшлар ўртасида Жаҳон чемпионатида яна икки чорак финалчининг номи аниқ бўлди.
Бурса шаҳридаги "Отатурк" стадионида ўтган Хорватия - Чили баҳсида гуруҳдошларимиз сўнгги ўн дақиқаликда ўз дарвозаларидан 2та тўп олиб чиқиб, мағлубиятга учрадилар. Аввалига Николас Кастилло 81 дақиқада ҳисобни очган бўлса, орадан ҳеч қанча вақт ўтмай хорватлар вакили Жозо Симунович ўз дарвозасини ишғол қилиб қўйди.
Ушбу учрашув билан бир вақтда бошланган Португалия-Гана ўйини анча голларга бой ва қизиқарли руҳда кечди. 1-таймдан кейин 1:0 ҳисобида олдинда бораётган африкаликлар иккинчи тайм ўрталарида ўз дарвозаларидан иккита тўп олиб чиқиб, ҳисобда ортда қола бошладилар. Аммо тез орада, 79 ва 85 дақиқалардаги голлар ҳисобига ғалаба қозонишди.
Шу тариқа, чорак финалнинг яна бир жуфтлиги ҳосил бўлди - Гана-Чили. Ушбу учрашув 7 июль куни Истанбулда бўлиб ўтади.
Бугун шунингдек, соат 23:00да нимчорак финалнинг сўнгги икки ўйини ўтказилади: Ироқ-Парагвай ва Колумбия-Жанубий Корея. Табиийки, ғолиблар чорак финалда ўзаро баҳс олиб борадилар. Этиборли томони, ё икки Осиё вакили ё икки Жанубий Америка жамоаси ярим финал йўлида тўқнаш келиб қолиши мумкин.
Португалия - Гана - 2:3 (0:1)
Голлар: Феррейра (71), Эдгар (73) - Ашиа (19), Анаба (79), Букье (85).
Хорватия - Чили - 0:2 (0:0)
Голлар: Кастилло (81), Симунович (85, автогол)
