"Манчестер Юнайтед"нинг машҳур собиқ ҳимоячиси Рио Фердинанд Лондоннинг "Арсенал" клуби ҳужумчиси Виктор Дьёкереш бўйича хулоса чиқаришга шошилмасликка чақирди.
"Дьёкерешни танқид қилганларни кўрдим, лекин унга камида беш-олти ўйин бериш керак - у формасини тиклаб олиши керак. У трансфер билан боғлиқ вазият туфайли кам машғулот ўтказди - ҳозир Исак билан ҳам шунга ўхшаш ҳолат юз бермоқда, у ҳам ўз ҳолига ташлаб қўйилган. "Арсенал"да катта таркиб бор, Хаверц захирадан ўйинга қўшилди. Жамоа муваффақиятга эришиш учун реал имкониятга эга," - дея Фердинанднинг сўзларини келтиради Arsenal News Channel.
