Дортмунднинг "Боруссия" клуби ҳужумчиси Серу Гирасси янги мавсумни яна гол билан бошлади.
29 ёшли гвинеялик футболчи Германия кубоги доирасидаги "Рот-Вайсс Эссен"га қарши баҳсда 79-дақиқада гол уриб, "асаларилар"га ғалаба келтирди. Гол ўйиндаги ягоналигини сақлаб қолди ва дортмундликларга 1/16 финал йўлланмасини тақдим этди. Opta хабарига кўра, Гирасси жорий календарь йили бошидан бери "Боруссия" сафида 32 ўйинда 27 та гол урган - бу Бундеслиганинг барча вакиллари орасида белгиланган даврдаги энг яхши кўрсаткичдир.
23 август, шанба куни "Боруссия" Бундеслиганинг янги мавсуми 1-тури доирасида "Санкт-Паули" меҳмони бўлади.
