"Милан" ярим ҳимоячиси Лука Модрич "россонерилар" мухлисларига "Сан-Сиро"да кўрсатилган меҳмондўстлик учун миннатдорчилик билдирди. 17 август, якшанба куни Массимилиано Аллегри жамоаси "Бари"ни 2:0 ҳисобида мағлуб этди. Бу Италия кубогининг 1/32 финалида содир бўлди.

"Мен бу ерда бўлганимдан ва дастлабки дақиқаларданоқ бундай қўллаб-қувватлашни ҳис қилганимдан жуда хурсандман. Илиқ қабул учун барчага катта раҳмат - у бу клубни қалбимга янада яқинлаштиради. Кейинги ўйинда кўришгунча!" - деб ёзди Модрич ижтимоий тармоқда.

39 ёшли хорватиялик футболчи "Милан" сафида илк расмий ўйинини ўтказди ва 66-дақиқада Кристиан Пулишич ўрнига майдонга тушди. Ёзда Модрич Мадриднинг "Реал" клубидан Италия клубига ўтди. Шартнома 2026 йилнинг ёзига қадар имзоланган.