Лондоннинг "Тоттенхэм" клуби "Реал Сосьедад" қанот вингери Такефуса Кубога қизиқиш билдирмоқда.
The Daily Mail хабарига кўра, 24 ёшли япониялик футболчини Сан-Себастьян клуби 70 миллион еврога қўйиб юборишга тайёр. "Шпорлар" бундай таклиф билан чиқадими ёки йўқ аниқ эмас.
Кубо Transfermarkt порталида 30 миллион еврога баҳоланмоқда. Унинг испан клуби билан шартномаси 2029 йил ўрталарига қадар мўлжалланган.













