"Монако" ўз сардорининг Саудия Арабистонининг "Ал-Аҳли" клубига трансфери муваффақиятсизликка учраганини маълум қилди.
Монегасклар билан шартномаси 2028 йил 30 июнгача мўлжалланган Денис Закария бир вақтнинг ўзида Саудия Арабистони Про-лигасининг бир нечта клубларида қизиқиш уйғотди. Улардан бири - "Ал-Аҳли" ҳатто расмий таклиф юборган ва 28 ёшли швейцариялик футболчи учун шахсий шартнома тайёрлаб қўйган.
Бироқ, барча тафсилотлар келишиб олиниб, ҳатто трансфер тўғрисидаги қоғозлар имзолангандан сўнг, нимадир нотўғри кетди ва томонлар шартномани бекор қилишди.
Ҳозирча бундай ҳаракатларга нима сабаб бўлгани маълум қилинмаяпти. Закария "Монако" футболчиси бўлиб қолади. Transfermarkt ресурси маълумотларига кўра, унинг нархи 30 миллион еврони ташкил этади.
