"Monako" o‘z sardorining Saudiya Arabistonining "Al-Ahli" klubiga transferi muvaffaqiyatsizlikka uchraganini ma’lum qildi.

Monegasklar bilan shartnomasi 2028 yil 30 iyungacha mo‘ljallangan Denis Zakariya bir vaqtning o‘zida Saudiya Arabistoni Pro-ligasining bir nechta klublarida qiziqish uyg‘otdi. Ulardan biri - "Al-Ahli" hatto rasmiy taklif yuborgan va 28 yoshli shveysariyalik futbolchi uchun shaxsiy shartnoma tayyorlab qo‘ygan.

Biroq, barcha tafsilotlar kelishib olinib, hatto transfer to‘g‘risidagi qog‘ozlar imzolangandan so‘ng, nimadir noto‘g‘ri ketdi va tomonlar shartnomani bekor qilishdi.

Hozircha bunday harakatlarga nima sabab bo‘lgani ma’lum qilinmayapti. Zakariya "Monako" futbolchisi bo‘lib qoladi. Transfermarkt resursi ma’lumotlariga ko‘ra, uning narxi 30 million yevroni tashkil etadi.