"Ньюкасл" ёзда "Ливерпуль"га ўтиши мумкин бўлган ҳужумчи Александр Исакга ўринбосар топди. Инглиз клуби "Интер"нинг ёш иқтидори Франческо Пио Эспоситога эътибор қаратди.
Il Messaggero хабарига кўра, "ҳаккалар" 20 ёшли форвард трансфери бўйича "Интер"га расмий таклиф беришга тайёрланмоқда. Қайд этилишича, Эспозитони "Аталанта" ҳам кузатиб бормоқда.
Бироқ, "нерадзуррилар" футболчини сотмоқчи эмас. Жорий ёзда клуб италиялик футболчи учун "Наполи"нинг йирик таклифини рад этиб бўлганди.
Эспозито ўтган мавсум "Специя" сафида ижара асосида тўп тепган эди. Футболчи 40 та ўйинда 19 та гол ва 3 та голли узатмани амалга ошира олди.
