"Челси" форварди Николас Жексонга Англия Премьер-лигасидан яна бир даъвогар пайдо бўлди.
"Ноттингем Форест" сенегаллик футболчини ўз сафига қўшиб олмоқчи, деб хабар бермоқда журналист Эдуардо Бургос. "Ўрмончилар" 24 ёшли футболчи учун маҳаллий "Астон Вилла" ва "Ньюкасл", шунингдек, Италиянинг "Ювентус", "Интер" ва "Милан" клублари билан кураш олиб боради.
"Челси" Николас Жексонни сотувга қўйди. Ҳужумчи яқин кунларда фаолиятини давом эттириш вариантини аниқлаб олади.
Жексон Лондон жамоаси сафида 81 та ўйинда 30 та гол урган ва 12 та голли узатмани амалга оширган.
