"Манчестер Юнайтед" ва "Антверпен" дарвозабон Сенне Ламменс бўйича музокараларни давом эттирмоқда. Бельгия клуби 23 ёшли футболчи учун 25 млн евро сўрамоқда, дея хабар бермоқда журналист Фабрицио Романо.
"Қизил иблислар" тахминан 20 млн евро ва бонуслар таклиф қилишга тайёр. Қайд этилишича, янги дарвозабоннинг сотиб олиниши Андре Онананинг келажагига ҳеч қандай таъсир кўрсатмайди.
Transfermarkt портали экспертлари Сенне Ламменснинг нархини анча арзон - 9 млн еврога баҳоламоқда. Дарвозабон жорий йилнинг март ойидан бери Бельгия терма жамоаси сафига таклиф қилинмоқда, аммо у ҳали дебют қилишга улгурмади.
Маълумот ўрнида, Ламменс "Антверпен" сафида ҳамюртимиз Муҳаммадали Ўринбоев билан жамоадош ҳисобланади.













