Шанба куни "Барселона" сафарда "Леванте" меҳмони бўлиб, 3:2 ҳисобида иродали ғалабага эришди. Каталонияликлар биринчи бўлимдан сўнг 0:2 ҳисобида мағлуб бўлаётган эди, аммо учрашувнинг иккинчи ярмида камбэк қилишга муваффақ бўлишди.
Эртаси куни "Барселона" тикланиш машғулотларини ўтказди. Уни ҳимоячи Андреас Кристенсен ўтказиб юборди. Даниялик футболчи эрталабдан ўзини ёмон ҳис қилган, шу боис Ханс-Дитер Флик футболчига машғулот ўтказмасликка рухсат берган, деб ёзади Mundo Deportivo.
Эслатиб ўтамиз, "Леванте"га қарши ўйинда Андреас Кристенсен захирадан майдонга тушди ва 14 дақиқа ўйнади.
"Барселона" навбатдаги ўйинини 31 август куни "Райо Вальекано"га қарши ўтказади.
