Ўзбекистон кубоги 1/4 финалида Муборакнинг “Машъал” жамоаси Тошкентнинг “Пахтакор” жамоасига қарши майдонга тушади.
Ўзаро ўйинлар
Жамоалар чемпионат баҳсларида 40 баҳсда тўқнаш келишган. Уларнинг 29тасида "Пахтакор", 5тасида "Машъал" ютуққа эришган. 6 ўйин дуранг билан якунланган. "Шерлар" рақиб дарвозасини 82 бор ишғол қилган бўлсалар, "йўлбарслар" эса 25 гол уришган.
“Пахтакор” “Машъал” устидан 5:0 ҳисобида ғалаба қозонган. Бу ўзаро ўйинлардаги пойтахт клубининг энг йирик ғалабасидир.
“Машъал”нинг ўзаро ўйинлардаги энг йирик ғалабаси эса 3:0 бўлиб турибди.
Жамоалар Ўзбекистон кубоги доирасида 2 марта тўқнаш келишган. 2001 йил 1/16 финалда сафарда 2:1 ҳисобида "Пахтакор" ғалаба қозонган. 2006 йил финалдаги баҳсда ҳам пахтакорчилар 2:0 ҳисобида ютуққа эришган.
Дисквалификация сабабли "Пахтакор" ҳимоячиси Ҳожиакбар Алижонов мазкур учрашувни ўтказиб юборади.
"Пахтакор" ва "Машъал" жамоалари ўйини 26 август куни соат 20:30да "Жар" стадионида бошланади.













