O‘zbekiston kubogi 1/4 finalida Muborakning “Mash’al” jamoasi Toshkentning “Paxtakor” jamoasiga qarshi maydonga tushadi.
O‘zaro o‘yinlar
Jamoalar chempionat bahslarida 40 bahsda to‘qnash kelishgan. Ularning 29tasida "Paxtakor", 5tasida "Mash’al" yutuqqa erishgan. 6 o‘yin durang bilan yakunlangan. "Sherlar" raqib darvozasini 82 bor ishg‘ol qilgan bo‘lsalar, "yo‘lbarslar" esa 25 gol urishgan.
“Paxtakor” “Mash’al” ustidan 5:0 hisobida g‘alaba qozongan. Bu o‘zaro o‘yinlardagi poytaxt klubining eng yirik g‘alabasidir.
“Mash’al”ning o‘zaro o‘yinlardagi eng yirik g‘alabasi esa 3:0 bo‘lib turibdi.
Jamoalar O‘zbekiston kubogi doirasida 2 marta to‘qnash kelishgan. 2001 yil 1/16 finalda safarda 2:1 hisobida "Paxtakor" g‘alaba qozongan. 2006 yil finaldagi bahsda ham paxtakorchilar 2:0 hisobida yutuqqa erishgan.
Diskvalifikasiya sababli "Paxtakor" himoyachisi Hojiakbar Alijonov mazkur uchrashuvni o‘tkazib yuboradi.
"Paxtakor" va "Mash’al" jamoalari o‘yini 26 avgust kuni soat 20:30da "Jar" stadionida boshlanadi.













