"Ливерпуль" чап қанот ҳимоячиси Костас Цимикасни ижарага бериш вариантини маъқуллади. 29 ёшли футболчига "Рома" қизиқиш билдирмоқда. Журналист Фабрицио Романонинг ёзишича, чоршанба куни кечқурун "қизиллар" вакиллари римликларга грекни сотиб олиш мажбуриятисиз ижарага олишлари мумкинлиги ҳақида маълум қилишган. "Бўрилар" раҳбарияти келишувга тўлақонли трансфер вариантини қўшмоқчи.
Костас Цимикаснинг ўзи "Рома"га ўтишни истайди, чунки "Ливерпуль"ни бошқараётган Арне Слотнинг режаларига кирмайди. Латералнинг амалдаги шартномаси 2027 йилгача мўлжалланган бўлиб, унинг қиймати Transfermarkt маълумотларига кўра, 18 млн еврони ташкил этади.
