"Liverpul" chap qanot himoyachisi Kostas Simikasni ijaraga berish variantini ma’qulladi. 29 yoshli futbolchiga "Roma" qiziqish bildirmoqda. Jurnalist Fabrisio Romanoning yozishicha, chorshanba kuni kechqurun "qizillar" vakillari rimliklarga grekni sotib olish majburiyatisiz ijaraga olishlari mumkinligi haqida ma’lum qilishgan. "Bo‘rilar" rahbariyati kelishuvga to‘laqonli transfer variantini qo‘shmoqchi.
Kostas Simikasning o‘zi "Roma"ga o‘tishni istaydi, chunki "Liverpul"ni boshqarayotgan Arne Slotning rejalariga kirmaydi. Lateralning amaldagi shartnomasi 2027 yilgacha mo‘ljallangan bo‘lib, uning qiymati Transfermarkt ma’lumotlariga ko‘ra, 18 mln yevroni tashkil etadi.
