"Челси" ҳужумчиси Николас Жексон клубини ўзгартиришга тайёргарлик кўрмоқда. "Кўклар" 24 ёшли футболчини трансфер ойнаси ёпилгунга қадар, яъни яқин кунларда сотиб юбормоқчи. Унга ижара вариантини таклиф қилаётган "Бавария" қизиқиш билдирмоқда, шунингдек, "Ювентус" ҳам сенегаллик футболчи номзодини кўриб чиқмоқда.
Журналист Фабрицио Романонинг ёзишича, Жексон икки йўлдан бирини танлайди - "Бавария" ёки инглиз клубига ўтиш. Миш-мишларга қарамай, "Ювентус" билан ҳеч қандай музокаралар бўлмаган.
Машҳур Transfermarkt портали мутахассислари Николас Жексоннинг нархини 50 млн еврога баҳоламоқда.
