"Chelsi" hujumchisi Nikolas Jekson klubini o‘zgartirishga tayyorgarlik ko‘rmoqda. "Ko‘klar" 24 yoshli futbolchini transfer oynasi yopilgunga qadar, ya’ni yaqin kunlarda sotib yubormoqchi. Unga ijara variantini taklif qilayotgan "Bavariya" qiziqish bildirmoqda, shuningdek, "Yuventus" ham senegallik futbolchi nomzodini ko‘rib chiqmoqda.
Jurnalist Fabrisio Romanoning yozishicha, Jekson ikki yo‘ldan birini tanlaydi - "Bavariya" yoki ingliz klubiga o‘tish. Mish-mishlarga qaramay, "Yuventus" bilan hech qanday muzokaralar bo‘lmagan.
Mashhur Transfermarkt portali mutaxassislari Nikolas Jeksonning narxini 50 mln yevroga baholamoqda.













