"Реал" бош мураббийи Хаби Алонсо ярим ҳимоячи Эдуардо Камавинганинг сафга қайтишини интиқлик билан кутмоқда.
Франциялик футболчи жароҳати туфайли клублар ўртасидаги жаҳон чемпионатида "қаймоқранглилар" сафида майдонга тушмади. Яқинда, август ойи бошида Камавинга яна жароҳат олди.
"Камавинга жамоамда бўлишини сабрсизлик билан кутяпман. У жамоага катта ҳисса қўшади, унда замонавий футбол учун зарур бўлган кўплаб фазилатлар бор. У биз қилмоқчи бўлган ишларга мос келади ва у албатта таркибда ўз ўрнини эгаллайди", - дея Алонсонинг сўзларини келтиради Madrid Xtra.
30 август, шанба куни "Реал" Испания чемпионатида ўз майдонида "Мальорка"га қарши баҳс олиб боради.
