"Фиорентина" ҳужумчиси Мойзе Кин клуб билан шартномасини узайтиради. Томонлар янги меҳнат шартномаси шартларини келишиб олдилар, деб хабар беради инсайдер Фабрицио Романо. 25 ёшли футболчининг маошига қўшимча ҳақ тўланади. Шунингдек, ҳозирда 52 млн еврони ташкил этаётган товон пули миқдори оширилиши ҳам маълум. Шартноманинг расмий янгиланиши бугунга режалаштирилган.
Мойзе Кин ўтган йилнинг ёзида "Ювентус"дан 13 млн евро эвазига "Фиорентина"га ўтган эди. Футболчининг ҳозирги трансфер нархи Transfermarkt экспертлари томонидан 50 млн еврога баҳоланмоқда. Ҳужумчининг амалдаги шартномаси 2029 йилнинг ярмигача мўлжалланган.
Кин "бинафшалар" сафида 46 та ўйинда 25 та гол ва бешта голли узатмани амалга оширди.
