Англия Премьер-лигасининг 3-турида "Ливерпуль" Доминик Собослаининг ягона голи эвазига "Арсенал"ни мағлуб этди ва "Энфилд"да "канонирлар"га қарши ўйинда мағлубиятсиз сериясини давом эттирди.
"Арсенал" сўнгги бор бу стадионда АПЛ доирасида 2012 йилнинг 2 сентябрь куни ғалаба қозонганди. Шундан сўнг, "канонирлар" ушбу стадионда 8 та мағлубият ва 5 та дуранг қайд этди.
Шунингдек, кечаги беллашув сўнгги йилларда ҳар икки жамоа ўзаро ўйинларда қайд этаётган юқори натижадорликка барҳам бергани билан ажралиб турди. Масалан, ўтган мавсумдаги иккала ўйин ҳам 2:2 ҳисобидаги жанговар дуранг билан якунланганди.
